കോണ്ഗ്രസ്സുകാര് പോലും ആദര്ശം പറയുന്ന സമത്വ സുന്ദരമായൊരു കാലഘട്ടത്തിലാണ ് നാം ജീവിക്കുന്നത്. ആദര്ശത്തിന്റെ ആള്രൂപമാകാനുള്ള അസ്കിത ആന്റണിക്ക് മാത്രേ ഇതേവരെ ഉണ്ടായിരുന്നുള്ളൂ. ആ അസുഖം ഒരു പകര്ച്ച വ്യാധി പോലെ യൂത്തന്മാരിലേക്ക് വരെ എത്തിയിരിക്കുന്നു.
അഴിമതി കേസുകള് ഉളളതുകൊണ്ട് ജോസഫിനെ മുന്നണിയിലെടുക്കുക്കാന് പാടില്ലെന്നാണ ് യു.ഡി.എഫിലെ വിശുദ്ധന്മാര് പറയുന്നത്. യു.ഡി.എഫില് ഉള്ള എല്ലാ നേതാക്കന്മാരും അഴിമതി വിമുക്തരായതുകൊണ്ട്, ഈ വാദം വളരെ പ്രസക്തമാണ ്.
രണ്ടു പേരും പെണ്ണുകേസില് പ്രതികളായതുകൊണ്ട് കുഞ്ഞാലിക്കുട്ടി സാഹിബിന ് മാത്രമാണ ് ജോസഫിനോട് മനസ്സലിവുണ്ടായത്. പെണ്ണുകേസില് നിന്ന് തലയൂരണമെങ്കില് അനുഭവിക്കേണ്ടി വരുന്ന പങ്കപ്പാടുകള് സാഹിബിന ് നന്നായി അറിയാം. അതുകൊണ്ടാണ ് സാഹിബ് മദ്ധ്യസ്ഥന്റെ വേഷം കെട്ടാന് തീരുമാനിച്ചത്. അല്ലാതെ യൂത്തന്മാര് ആരോപിക്കുന്നതുപോലെ, രണ്ടുപേര്ക്കും ഒരുമുന്നണിയായി പൂര് വ്വാധികം ശക്തിയോടെ പീഠനം നടത്താന് വേണ്ടിയല്ല.
കോണ്ഗ്രസ്സിലെ പ്രമുഖ പീഠക നേതാവ് ഉണ്ണിത്താന് ഇക്കാര്യത്തില് മൌനം പാലിക്കുന്നത് ശ്രദ്ധേയമാണ ്. ജോസഫ് കൂടി വന്നാല് അദ്ദേഹത്തിന ് ശിഷ്യപ്പെട്ട് പീഠനത്തിന്റെ ആധുനിക സങ്കേതങ്ങള് ഹൃദ്ധിസ്ഥമാക്കാന് കാത്തിരിക്കുകയാണ ് ഉണ്ണിത്താനെന്ന് ഈ രംഗത്തെ കുലഗുരുവായ കുര്യന് പറയുന്നു.
ഇതെല്ലാം കണ്ട് ഒരാള് മാത്രം നിശബ്ദനായി ചിരിക്കുന്നു. സാക്ഷാല് കെ.മുരളീധരന്. ഈ മുരളീധരന് കെ.പി.സി.സി പ്രസിഡന്റായിരുന്ന കാലത്താണ ് അത്യാവശ്യത്തിന ് വെള്ളം കിട്ടാതെ ഇന്ദിരാഭവനിലെ ജീവനക്കാരോട് ചൂടായതെന്ന് ഉണ്ണിത്താന് ആരോപിച്ചിരുന്ന കാര്യം മറക്കരുത്. മുരളീധരനെതിരെ ആരോപണം ഉന്നയിച്ച അതേ ഉണ്ണിത്താന് തന്നെ അതേ ആരോപണങ്ങളില് കുടങ്ങി. ഉണ്ണിത്താനെ, കൊടുത്താല് മഞ്ചേരിയിലും കിട്ടും.
തനിക്ക് മൂന്നുരൂപ മെംബര്ഷിപ്പ് ചോദിച്ചിട്ട് തരാതിരുന്ന കോണ്ഗ്രസ്സുകാര് ഇപ്പോള് ജോസഫിനെ ചുമക്കാന് പാടുപെടുന്നത് കാണുന്പോള് മുരളീധരന്റെ സന്തോഷം ഇരട്ടിക്കുകയാണ ്.
മാണി-ജോസഫ് നാടകത്തിന്റെ സ്വാഭാവിക പരിണിതി സുവ്യക്തമാണ ്. അത് ഭുതങ്ങളൊന്നും സംഭവിച്ചില്ലെങ്കില് ജോസഫിനെ ആഘോഷപൂര് വ്വം യു.ഡി.എഫിലെടുക്കും. ഭരണം കിട്ടിയാല് മന്ത്രിയുമാക്കും.കൈവശമുള്ള സീറ്റ് വിട്ടുകൊടുക്കുന്നതൊഴികെ മറ്റൊന്നും കോണ്ഗ്രസ്സിനെ ബാധിക്കാറില്ല.
മനോരമയാണ ് കോണ്ഗ്രസ്സിന്റെ നയങ്ങള് തീരുമാനിക്കുന്നത്. ഇന്നലെ വരെ മനോരമ ജോസഫിനെ മുന്നണിയിലെടുക്കുന്നതിന ്എതിരായിരുന്നു.ഇന്ന് നിലപാട് മാറ്റി. ജോസഫിനെതിരെ വിജിലന്സ് അന്വേഷണം വരുമെന്ന് ഉറപ്പായതുകൊണ്ടാണത്. സി.പി.എമ്മിന്റെ ശത്രു മനോരമയുടെ മിത്രം എന്നതാണ ് തത്വം.
"കോണ്ഗ്രസ്സ് അയയുന്നു" എന്ന് ഇന്ന് മനോരമയുടെ ഒന്നാം പേജ് സ്റ്റോറി. വിജിലന്സ്സ് അന്വേഷണം രാഷ്ട്രീയപ്രേരിതമെന്ന് ചെന്നിത്തല പറഞ്ഞത് വളരെ പ്രധാന്യത്തോടെ അച്ചടിച്ചു. ജോസഫ് കളങ്കിതനാണെന്ന ചെന്നിതലയുടെ പരാമര്ശം മനോരമയിലില്ല. ദേശാഭിമാനിയിലാകട്ടെ അതു മാത്രമേ ഉള്ളൂ. രാഷ്ട്രീയ പ്രേരിതം മുക്കി. അന്വേഷണത്തെ സ്വാഗതം ചെയ്യുന്നുവെന്ന ഉമ്മന് ചാണ്ടിയുടെ വാക്കുകള് ഭൂതകണ്ണാടി വച്ചുനോക്കിയാല് മാത്രമേ മനോരമയില് കാണാന് കഴിയൂ.
മാത്തുക്കുട്ടിച്ചായനും പത്തുപുത്തനുമുണ്ടെങ്കില് ആര്ക്കും യു.ഡി.എഫിലെത്താമെന്നു സാരം. സന്ദര്ഭവശാല് പറയട്ടെ, മാത്തുകുട്ടിച്ചായന് പണ്ട് ബോംബെയിലൂടെ ബലൂണ് വിറ്റ് നടന്നിരുന്നുവെന്ന് പി.എം മനോജ് ദേശാഭിമാനിയിലെഴുതിയത് സത്യമാണോ?അതോ കാശൊള്ളവനെ കാണുന്പോള് ചൊറിയുന്ന ആ പഴയ കമ്മ്യൂണിസ്റ്റ് അസൂയയോ?
അതെന്തായാലും മാണിസാറിന്റെ കൂടാരത്തിലെത്തിയാല് ജോസഫിന്റെ പത്തിതാഴും. പി.സി.ജോര്ജ്ജിനെ പോലെയുള്ള എത്ര കരിമൂര്ഖന്മാരെയാണ ് മാണിസാറ് മാമ്മോദ്ദീസാ മുക്കി കുഞ്ഞാടുകളാക്കിയിരിക്കുന്നത്. മലയോരകര്ഷകരെ ഉദ്ദരിക്കാന് വേണ്ടി മാത്രം ജന്മമെടുത്ത പുണ്യവാളനാണ ് മാണി സാറ്. വീണ്ടും പിരിയുന്നത് വരെ മാണിക്കും ജോസഫിനും അത്മശാന്തി നേരുന്നു.
No comments:
Post a Comment